დაფუძნდა მესტიის ტექნოლოგიური კლუბი

ა(ა)იპ მესტიის მუნიციპალიტეტის ახალგაზრდულმა თვითმმართველობამ დააფუძნა მესტიის ტექნოლოგიური კლუბი.

კლუბის აქტივობების ფარგლებში ჩატარდა პირველი ღონისძიება, რომლის ფარგლებშიც ჩვენ მიერ მოწვეულმა პროგრამისტმა, ანდრეი არანოვიჩმა ახალგაზრდებისთვის ჩაატარა 4 დღიანი ტრენინგი. ამავე დროს, დავიწყეთ მესტიის 3D ვირტუალური მოდელის შექმნაზე მუშაობა.

მესტიის 3D მოდელი იქმნება ფოტოგრამეტრიის მიდგომით, რომელიც არის ფოტოებიდან 3D მოდელირების ხელოვნება და მეცნიერება. მოდელს შემდგომ გამოვიყენებთ სხვადასხვა დანიშულებით, მათ შორის შეგვეძლება შევქმნათ კომპიუტერული თამაში, არქიტექტურული 3D ვიზუალიზაციები, თუ სხვა. მოდელში ასევე შესაძლებელი იქნება ვირტუალური რეალობის (VR) სათვალეებით მოგზაურობაც. აგრეთვე, ჩვენმა კოლეგამ, გიორგი არზიანმა ჩამოგვიტანა შერეული რეალობის (Mixed Reality) სათვალეების ყველაზე ახალი მოდელი Meta Quest 3.

კლუბში გაწევრიანება შეუძლია ყველა ახალგაზრდას. ამისთვის მოგვწერეთ: tech@mestiayouth.org ან გაიარეთ რეგისტრაცია ამ ფორმის მეშვეობით: https://forms.gle/hRfgziEvxA15Desz9